sut mae'n gweithio
sut mae’n gweithio
Dydy gofal maeth ddim yn rhywbeth rydych chi’n ei wneud ar eich pen eich hun. Mae ein teuluoedd maeth anhygoel wrth galon yr hyn rydyn ni’n ei wneud, ond mae cymaint mwy i hyn. Rydyn ni’n fwy cysylltiedig nag yr ydych chi’n ei feddwl.
Mae maethu yn Rhondda Cynon Taf yn golygu gweithio gyda rhwydwaith pwrpasol o unigolion sydd wedi’u hyfforddi’n fedrus. Mae’n golygu cael cefnogaeth broffesiynol, rhannu gwybodaeth a chefnogaeth bedair awr ar hugain y dydd. Ble bynnag a sut bynnag y bydd angen hynny arnoch chi.
gwell gyda’n gilydd
Rydyn ni’n gallu cynnig pecyn mor drawiadol o gefnogaeth a manteision am ein bod ni’n rhan o Maethu Cymru: sefydliad cenedlaethol sy’n cynnwys pob Awdurdod Lleol yng Nghymru. Rydyn ni i gyd yn gweithio gyda’n gilydd, ac rydyn ni i gyd yn sefydliadau nid-er-elw.
Mae popeth sydd gennyn ni, a’r holl gyllid rydyn ni’n ei dderbyn, yn mynd yn ôl i’r gwasanaeth rydyn ni’n ei ddarparu. Dyma sy’n ein gwneud ni’n unigryw, a beth sy’n ein galluogi ni i wneud ein gorau glas dros blant lleol.
beth sy'n ein gwneud ni'n wahanol?
Rydyn ni’n wahanol i’ch asiantaeth faethu gyffredin. Mae Maethu Cymru Rhondda Cynon Taf yn rhan o rwydwaith cenedlaethol – ond rydyn ni’n lleol hefyd. Mae ein tîm ymroddedig yn cynnwys pobl sy’n rhan o’r gymuned yma yn Rhondda Cynon Taf. Rydyn ni yma, ac rydyn ni’n malio.
Rydyn ni bob amser yn blaenoriaethu cynnal y cyswllt a’r cysylltiadau pwysig sydd gan blant â’r ardaloedd maen nhw’n eu hadnabod ac yn eu caru – pan mae’n iawn i wneud hynny. Mae hyn yn ein gwneud ni’n unigryw.
Rydyn ni’n edrych ar y darlun cyfan: beth sy’n bwysig iddyn nhw, a beth fydd yn helpu i gynnal eu synnwyr o berthyn a’u ‘hunaniaeth’. Mae’n ymwneud â deall, gofalu a gwneud yr hyn sydd orau i bob plentyn unigol. Mae’n ymwneud â rhoi pobl o flaen elw.
dysgwch mwy am maethu cymru rhondda cynon taf
